Artxiboan abuztua 2017

Eskualde honen iparreko muga itsasoa da. Ekialdean Donostialdearekin eta Tolosaldearekin egiten du muga; hegoaldean Goierrirekin; eta mendebaldean Deba Garai eta Beherearekin.

Hamaika udalek osatzen dute eskualde hau. Zarautz eta Azpeitia dira hirigunerik garrantzitsuenak. Zarautzen eraginpean daude itsasaldeko herriak: Aizarnazabal, Aia, Zumaia, Getaria eta Orio; azken herri hori oso lotua dago Donostiari. Azpeitiak bere eraginpean ditu barrualdeko herriak: Azkoitia, Zestoa, Errezil eta Beizama; azken herri hori bestalde dago Tolosari.

Nafarroa, arragoa,
argiaren pausaleku
haizearen ibil-toki zabal,
hesirik gabea.

Nafarroa, arragoa,
sua eta ura,
kondaira urratu baten oihartzun oihukatua.
Amets bat baino gehiago,
ez oparotasun osoa:
nahiaren eta ezinaren
burrukatoki ekaitzez betea.

Nafarroa, arragoa
mahats eta gari
maitasun eta gorroto
gezur eta egia gurea.
Nafarroa, arragoa
lur beroen sabel emankorra
eta goiko mendi hotzen mendetako loa.

Nafarroa, zuhur eta eroa,
lurrik maitatuena,
hormarik gabe utzitako etxea:
erreka gardenen negarrez
ibai lodietara ixurtzen ari den
odol bustikoarraren iturri bizia.

Nafarroa, arragoa
eta oinarri, eta oinaze
eta bidean zure bila ibiltzea ...
Pinudiek usaintzen dituzten
harri txigorrezko bidetan gora
o, Nafarroa, Nafarroa betikoa.

Geure taldearen egitasmoa ez da ikerketa edo azterketa akademikoa izango, ezta “Informazio eta Turismo”-ak egin lezakeen lana ordezkatzea ere; geure gogoko ez diren eta ohiko bihurtu diren zenbait “ klitxe imperialista” argitu eta zuzentzea baizik. Inperialistek nahita gaizki-ezaguraztera eraman dituzten zenbait kultur ikur oso kalregarritzat jotzen ditugu, eta egoera horri argibideak eta berezitasunak emanez aurre egin nahi diogu.